உலகப் புகைப்பட நாள் - World Photo Day

உலகப் புகைப்பட நாள்  
இன்று ஆகஸ்ட் 19 - உலகப் புகைப்பட நாள். இன்று - பெரும்பாலோர் கையில் கைப்பேசி வடிவிலாவது புகைப்படக் கருவி வந்துவிட்ட காலத்தில் - நாம் நுகரும் இந்த நொடிப் பொழுதை உறைய வைத்து அதை என்றும் நாம் கண்டுணர - பகிர்ந்து மகிழ - காலத்தைத் தற்காலிகமாக வெல்லும் வாய்ப்பைத் தரும் இந்தப் புகைப்படக் கலையைக் கொண்டாடுவோம். இந்தப் பதிவுக்கு இரு காரணங்கள். 
  1. எதனால் உலகப் புகைப்பட தினம் இன்று கொண்டாடப் படுகிறது?
  2. என்னுடைய சுயநலம் - எனது புகைப்படத்தையும் இங்கே பகிரலாமே...!!!
முதல் காரணம் விரிவாக... சுமார் இரு நூற்றாண்டுகள் பின்னோக்கிச் செல்வோம். பிரான்சு நாட்டின் இரு கலைஞர்கள் - தொழில்நுட்ப வல்லுனர்கள் - கண்டுபிடிப்பாளர்கள் ஜோசப் நைஸ்போர் நீப்ஸி (Joseph Nicèphore Nièpce) மற்றும் லூயி டாகியூர் (Louis Daguerre) இருவரும் 1837 ஆம் வருடம் டாகியூரோடைப் (Dagguerotype) என்னும் புகைப்பட செயல்முறை தொழில்நுட்பத்தினை (Photo processing technique) உருவாக்குகின்றனர். இரு வருடம் முயன்று, அந்தத் தொழில்நுட்பம் ஜனவரி 9 1839 அன்று பிரான்சு அறிவியல் கழகத்தால் அங்கீகரிக்கப் படுகிறது. இதற்கெல்லாம் முத்தாய்ப்பாய், பிரெஞ்சு அரசு இந்தத் தொழில்நுட்பத்தின் காப்புரிமையை வாங்கி - இந்தக் கண்டுபிடிப்பை உலக மக்களுக்கு இலவசப் பரிசென அறிவித்த நாள் - ஆகஸ்ட் 19 1839. இந்த நாளையே உலக புகைப்பட நாளாகக் கொண்டாடுகிறோம். 
ஜோசப் நைஸ்போர் நீப்ஸி 1827 ஆம் ஆண்டே ஹீலியோகிராபி (Heliography) என்ற முறையில் புகைப்படம் எடுத்தவர் என்பது குறிப்பிடத்தக்கது. அவர் எடுத்த "எ வியூ பிரம் விண்டோ அட் லே கிராஸ் (A View from Window at Le Gras)" எனும் புகைப்படமே இன்று உலகின் மிகப்பழமையான புகைப்படமாய் கொண்டாடப் படுகிறது. அந்தப் புகைப்படம் இதோ உங்கள் பார்வைக்கு. 
A view from Window at Le Gras - Joseph Nicephore Niepce (1827)
டாகியூரோடைப் புகைப்பட முறை ஹீலியோகிராபி முறையை விட எளிதானதாகவும், சிறந்ததாகவும் இருந்தது. டாகியூரோடைப் முறையில் எடுத்து மிகவும் பிரபலமான "பொலிவர்ட் டு டெம்பிள் (boulevard du temple)" என்கிறப் புகைப்படம் இதோ. 
Boulevard du Temple - Louis Daguerre 1837
இன்றைய நிலையில் இது மிகச் சாதாரணமாகத் தெரியலாம். இந்தப் புகைப்படத்தில் உள்ள சாலைமுனையில் உள்ள ஷூ பாலிஷ் போடும் சிறுவன் - பாலிஷ் போட்டுக் கொள்ளும் ஒருவன் - இந்த இரு மனிதர்களே உலகில் முதன் முறையாய் புகைப்படத்தில் பதியப் பட்டவர்கள். 
 
சரி. இரண்டாவது காரணத்திற்கு வருவோம். எனது புகைப்படங்கள் சில உங்கள் பார்வைக்கு. 

Sunrise View (Place: Kuwait)
Hide and Seek Sunset - Place: Kolathur, Chennai
Lonely Planet - Place: Havelock Island, Andaman
Twilight Zone - Place : Neil Island, Andaman
அனைவருக்கும் புகைப்பட நாள் வாழ்த்துக்களுடன், 

கணபதிராமன்

Comments

  1. Unknown19 August 2016 at 16:03

    புகை படம் .....அப்படின்னு சொன்ன உடனே என் நினைவிற்கு வந்தது 'முண்டாசு பட்டி 'படம் தான் ....ஓவியத்தின் பரிணாம வளர்ச்சி புகைப்படம்.....இப்படியும் சொல்லலாமா ....

    ReplyDelete
    Replies
    1. Ganapathiraman19 August 2016 at 16:17

      சொல்லலாம் ஆனால் ஓவியம் கற்பனையாகக் கூட இருக்கலாம்... சில ஓவியர்கள் 100 ஆண்டு முன்பு வரைந்ததை இன்றும் என்னவென்று புரியாமல் - புரிந்து கொள்ள ஆராய்ந்து கொண்டிருக்கிறார்கள்... அதைப்பற்றி தனியே வலை மலரும்... மகிழ்ச்சி...!!!

      Delete
  2. Unknown19 August 2016 at 16:05

    - நாம் நுகரும் இந்த நொடிப் பொழுதை உறைய வைத்து அதை என்றும் நாம் கண்டுணர - பகிர்ந்து மகிழ - காலத்தைத் தற்காலிகமாக வெல்லும் .... super....

    ReplyDelete

Post a Comment

Popular posts from this blog

அகர முதல - சிறுகதை (திருக்குறள் கதை) குறள் 0001

Image
இன்று வாழ்வின் எல்லா நாளையும் போல கடத்தி விடலாம் என்றே நினைத்திருந்தேன். ஆனால், காலையில் எழுந்ததில் இருந்தே, என்னையே அறியாமல் ஒரு இனம்புரியா உணர்வு என்னை ஆட்கொண்டிருந்தது. நான் தமிழ்ச்செல்வன்... என்னோட அப்பா அம்மா எப்படி இந்த பெயர் வைத்தார்கள்... அவர்களுக்கு நான் என்னவாக வருவேன் என நான் பிறக்கும் போதே தெரிந்திருந்ததா...?? "தமிழ், காபி... ஒரு அஞ்சு நிமிசத்துல இட்லி ரெடி ஆயிடும்..." என்று என்னோட கையில காபி குவளையைக் கொடுத்துட்டுப் போகிறாளே...? இவள் தான் வளர்மதி. என் மனைவி. என்னை முழுதும் புரிந்தவள். கையில் கொடுத்திருந்த காபியின் சூடு, ஆவியாக காற்றில் கரைந்து கொண்டிருக்க, நான் ஆவிக்கும், காற்றுக்கும் இடையே ஆன ஏதோ ஒரு புள்ளியில் நோக்கியபடி, அப்படியே அமர்ந்திருந்தேன். சிறிது நேரத்தில் உள்ளே இருந்து "இட்லி ரெடி..." என்று வந்தவள், கையில் அப்படியே இருந்த காபியையும், சிலை போல் அமர்ந்திருந்த என்னையும் பார்த்து, அருகில் வந்து என் கையருகே நின்று, "தமிழ்..." என்று கைகளைப் பிடித்தாள்.  "சொல்லும்மா..." என்றேன், எங்கோ இருந்த நினைவின் கயிறு அறுந்தவனாக.
Read more

புறநானூறு பேசும் நீர் மேலாண்மை

Image
சுழன்றும் ஏர் பின்னது உலகம் உழன்றும் உழவே தலை              - திருக்குறள்   பாடப்பட்ட காலத்திற்கு மட்டுமல்லாமல் இன்றைக்கும் என்றைக்கும் ஒன்றிப் போகும் சில செய்யுள்கள் - பாடல்கள் பாடப்புத்தகத்தில் மட்டுமல்லாது வாழ்வின் பாடமாகவும் மாறிப் போவது நாம் அறிந்ததே. அவ்வகைப் பாடல்களில் ஒன்று தான் இன்றையப் பதிவாக.  புறநானூறு - பாடல் எண் - ௧௮ (18) பாடியவர் : குடப்புலவியனார்  பாடப்பட்டோன்:  பாண்டியன் தலையாலங்கானத்துச் செருவென்ற நெடுஞ்செழியன்   திணை: பொதுவியல் துறை: முதுமொழிக் காஞ்சி, பொருண்மொழிக் காஞ்சி  பாடல் பாடப்பட்ட காலத்தில் வான்மழைப் பொய்த்து வேளாண்மை நொடிந்து போனக் காலம். இந்தக் காலக்கட்டத்தில் மன்னனுக்கு அறிவுரை கூறுவதாக அமைந்துள்ள பாடல். (இந்தக் காலத்திற்கும் ஏற்ற பாடலாக அமைவதில் வியப்பொன்றும் இல்லை...!)  கடல் சூழ்ந்த நாட்டை ஆளும் மன்னா... எனப் புகழும் புலவர், மன்னனின் கோட்டை அகழி பெரிதாய் இருந்தாலும், நீரின்றி இருப்பதைச் சுட்டிக் காட்டுகிறார்...  இறந்த பின் சேர்க்க வேண்டிய செல்வமானப் புண்ணியம் மண்ணிலே கிடைக்க என்ன வழி என்ன அறிவுரை கூறுகிறார்
Read more

வான்கா - Vanka

Image
வான்கா சிறுகதை தழுவிய "ஒட்டாள்"  சில நாட்கள் முன்பு, நான் பார்த்த "ஒட்டாள்" படத்தின் மூலக்கதையான வான்கா, 1886 ஆம் ஆண்டு ரஷ்ய எழுத்தாளர் ஆன்டன் செகோவ் எழுதியது. ஒரு அடிமை போல் வேலை வாங்கப் படும் ஒரு குழந்தைத் தொழிலாளியின் மன ஓட்டங்களை - வலிகளை - ரணங்களைச் சொல்லும் இந்தக் கதை... 130 வருடங்களுக்கு முன்பு எழுதப்பட்டிருந்தாலும், இன்றைய சூழ்நிலையிலும் ஒத்துப்போவதை எண்ணி வியப்பதா? நொந்து கொள்வதா? இதோ  ஆன்டன் செகோவ் எழுதிய சிறுகதை - 'வான்கா' வின் தமிழாக்கம்  வான்கா (Vanka) - ஆன்டன் செகோவ் (Anton Chekov) ஆன்டன் செகோவ்      ஒன்பது வயது சிறுவன்  வான்கா  சூகாவ் வேலை பயிலுவதற்காக மூன்று மாதங்களுக்கு முன்பு செருப்பு தயாரிப்பாளர் அல்யாஹினிடம் விடப்பட்டவன். கிறிஸ்மஸ் பண்டிகைக்கு முந்திய இரவு அவன் தூங்கவில்லை. எசமானும் எசமானியும் முதுநிலை வேலைப் பயிற்சியாளர்களும் கோவிலுக்குப் புறப்பட்டுச் செல்லும் வரை காத்திருந்தான்;பிறகு அலமாரியிருந்து மசிப்புட்டியையும் துருபிடித்த முனை கொண்ட பேனாக் கட்டையையும் எடுத்து வந்து, கசங்கிப்போன காகிதத்தைப் பிரித்து வைத்துக்
Read more