ராம் வலைமலர்

சுபாஷ் முகோபாத்யாய்... இந்தப் பெயரைக் கேள்விப்பட்டிருக்கிறோமா...? இவர் யாரென அறிந்திருக்கிறோமா...? உலகம் இன்றும் பல திறமை கொண்ட இரத்தினங்களைக் குப்பையில் கொட்டி வீணடித்துக் கொண்டிருக்கிறது. தன் திறமை மீது கொண்ட நம்பிக்கைக்கு திமிர் எனப் பெயர் சூட்டி - வதைத்துக் கொல்லத் திட்டமிட்டுக் காத்திருக்கும் இந்த உலகால் கொலை செய்யப்பட்ட ஒரு மருத்துவனின் கதை இது. சுபாஷ் முகோபாத்யாய் (1931 - 1981) சுபாஷ் முகோபாத்யாய் (Subash Mukhopadhyay) 16-01-1931 அன்று பீஹார் மாநிலம் ஹலாரிபாக் எனுமிடத்தில் பிறந்தார். படிப்பில் நன்கு விளங்கிய சுபாஷ், கல்கத்தா தேசிய மருத்துவக் கல்லூரியில் மருத்துவம் படிக்க சேர்ந்தார். 1955 ல் மருத்துவப் பட்டம் பெற்ற சுபாஷ், பட்டமேற்படிப்பைக் கல்கத்தா பல்கலைக்கழகத்திலும், எடின்பர்க் பல்கலைக்கழகத்திலும் முடித்தார். அவர் எடுத்தத் துறைகள்: இனப்பெருக்க உடலியல் (Reproductive Physiology) மற்றும் இனப்பெருக்க உட்சுரப்பியல் (Reproductive Endocrinology).  சுபாஷ் மருத்துவத்துறையில் அதுவும் தான் பயின்ற இனப்பெருக்க உடலியல் - உட்சுரப்பியல் துறையில் ஆராய்ச்சி செய்து - மருத்துவத

மனிதம் போற்றிய கணியன் ஒரே பாடலில் - செய்யுளில் உலக ஒற்றுமை - சகோதரத்துவம் - வாழ்வின் நிதர்சனம் - இயற்கை நியதி - புகழ்ச்சி இகழ்ச்சி இல்லா நடுநிலைமை - மனிதம் இவ்வளவையும் கூற முடியுமா? எங்கள் சங்கக் கவி கணியன் பூங்குன்றனாரால் முடிந்திருக்கிறது. புறநானூற்றில் 192ஆம் செய்யுளாய்த் தொகுக்கப்பட்ட - கணியன் பூங்குன்றனாரால் பாடப்பட்ட "யாரும் ஊரே யாவரும் கேளிர்" எனும் செய்யுள் நான் மேற்கூறிய அனைத்தையும் தன்னுள்ளேக் கொண்டுள்ளது. புறநானூற்றில் பல செய்யுள்கள் மன்னனின் படைபலம் பற்றியோ - போர்திறம் பற்றியோ - ஈகைத்திறன் பற்றியோ இருக்க, யாரையும் புகழாமல் அதே நேரம் யாரையும் இகழாமலும், வாழ்க்கை நியதியையும், நிதர்சனத்தையும் கூறிய எங்கள் கவிக்கோமான் கணியன், பரிசிலுக்குப் பாடல் பாடியதில்லை என்பது கூடுதல் செய்தி. முக்காலமும் - எக்காலமும் உலக ஒற்றுமைப் போற்றும் இச்செய்யுளின் முதல் வரி ஐ நா சபையில் பொறிக்கப்பட்டுள்ளது.  இதோ அவர் பாடிய செய்யுளும், அதை எளிதாய் எழுத நானெடுத்த முயற்சியும்...  புறநானூறு (செய்யுள் - 192) பாடியவர் : கணியன் பூங்குன்றனார் திணை : பொதுவியல் திணை துறை : பொரு

அன்னை தெரசா இவருக்கு அறிமுகம் சொல்ல அவசியமில்லை. அமைதியின் உருவாய் - கருணையின் வடிவாய் - பலர் வாழ்வின் விடிவாய் விளங்கிய எம் அன்னை தெரசாவின் பிறந்தநாள் இன்று.  இன்றைய மெசிடோனியா, அன்றைய ஒட்டாமான் பேரரசில் ஸ்கோப்யே (Skopje) எனுமிடத்தில் 25.௦8.1910 அன்று பிறந்தார் தெரசா. பெற்றோர் இட்ட பெயர் ஏக்னெஸ் கோண்ட்சே போயாட்ஸ்யூ (Albanian: Anjeze.Gonxhe Bojaxhiu, கோண்ட்சே என்றால் அல்பேனிய மொழியில் சிறுமலர் எனப் பொருள்) தனது எட்டாவது வயதில் தந்தையை இழந்த ஏக்னெஸ், தனது சிறு வயதிலேயே மதநெறி வாழ்வையும், கிறித்துவத் துறவையும் பின் தொடர விழைந்தார்.  ஏக்னெஸ் கோண்ட்சே போயாட்ஸ்யூ - சிறுவயதில் 1928 ஆம் ஆண்டு தனது பதினெட்டாவது வயதில் வீட்டை விட்டு வெளியேறிய ஏக்னெஸ், அயர்லாந்து ராத்பர்ன்ஹாமில் உள்ள லோரெட்டோ சகோதரிகள் (Loretto Sisters) எனும் அமைப்பில் இணைந்தார். அங்கு ஆங்கிலம் கற்ற ஏக்னெஸ் 1929 ஆம்வருடம் இந்தியாவுக்கு வந்தார். டார்ஜிலிங்கில் கிறித்துவத் துறவறப் புகுநிலைப் பயிற்சியில் (novitiate) கலந்து கொண்ட  ஏக்னெஸ் 1931ம் வருடம் மாடக்கன்னியாகக் உறுதிமொழி ஏற்றார். ஏற்கனவே, ஏக்னெஸ் என்ற பெயரில் மற

வானியலின் சிறந்த நாள் வானியல் வரலாற்றில் ஆகச்சிறந்த நாள் இன்று. ஆகஸ்ட் 25. இரு பெரும் நிகழ்வுகள்... 25.08.1609 - இத்தாலிய அறிவியல் மேதை தான் உருவாக்கியத் தொலைநோக்கியைக் கொண்டு அறிவியல் உலகிற்கு வானியல் செயல் விளக்கம் செய்த நாள். 25.08.2012 - நாசாவின் வாயேஜர் 1 (voyager 1) விண்கலம் சூரியப் பரிதியைத் தாண்டி மீனிடைப் பரப்பில் பயணித்த நாள். இந்த இரு நிகழ்வுகளில் எதைப் பற்றி எழுதலாம் என யோசிக்கையில் இரண்டையும் எழுது என உள்ளம் கூற உவகை கொண்டு ஆரம்பிக்கிறேன். 1. கலீலியோ:  கலீலியோ கலீலி இத்தாலி நாட்டில் பிசா நகரத்தில் 15.2.1564 அன்று பிறந்தவர் கலீலியோ. சிறுவயது முதல் கிறித்துவ மதக் கோட்பாடுகளில் ஈடுபாடு கொண்ட கலீலியோ பாதிரியாராகப் போவதாக தந்தையிடம் கூற - தந்தையோ இவரை மருத்துவப் படிப்பில் சேர்த்து விட்டார். பிசா பல்கலைக்கழகத்தில் மருத்துவம் படித்த இவர் தன் கவனத்தை கணிதப் பாடத்தில் திருப்பலானார். மருத்துவப் படிப்பைப் பாதியில் நிறுத்தி கணிதம், இயற்பியல் குறித்து கற்கலானார்.  வெப்பமானி, திரவவியல் தராசு (Hydraulic Balance), தொலைநோக்கி (Telescope) என அறிவியலுக்கு இவர்

சிவராம் ராஜ்குரு ஒடுக்கப்பட்ட ஒரு நாட்டில் பிறந்து - தனது பதின்ம வயதுகளில் நாட்டில் நடக்கும் ஏற்றத்தாழ்வுகளையும் ஒடுக்குமுறையையும் கண்டு வேதனையுற்று - தனது 22ஆம் வயதில் நாட்டுக்காக தன் இன்னுயிரையும் ஈந்த இளைஞன் சிவராம் ராஜ்குருவின் பிறந்தநாள் இன்று. என்னுடைய பள்ளிக்காலத்தில் - நாடகத்தில் நானிட்ட வேடங்களில் ஒன்று ராஜ்குரு. அப்போது கூட ராஜ்குருவை பகத் சிங்கின் உடன் வரும் கதாபாத்திரமாகவேத் தெரியும். ஆனால், விடுதலைக்காகப் போராடிய ஒவ்வொருக்குள்ளும் ஒரு நெருப்பு இருந்த்தையும் - தாய்நாட்டின் விடுதலையை மட்டும் எண்ணிப் பல விதத்தில் போராட எத்தனித்த துணிச்சலையும் சரிவரப் பதிவு செய்ய மறந்த வரலாற்றையும், நினைத்துக் கொள்ள மறந்த நம்மையும் நொந்து கொள்வோம்.  சிவராம் ராஜ்குரு மஹாராஷ்டிரா மாநிலம் கேத் எனும் இடத்தில் 24 ஆகஸ்ட் 1908 அன்று பிறந்தவர் சிவராம் ராஜ்குரு. சிறுவயது முதல் ஆங்கிலேயரின் அடக்குமுறை கண்டு வளர்ந்த ராஜ்குரு, தன் கல்லூரிக் காலத்தில் தன்னைப் போல் நாட்டுக்குப் போராடத் துடிக்கும் சக இளைஞர்களான பகத் சிங், சுக்தேவ் தாபர் போன்றோருடன் இணைந்தார். லாகூரின் நேஷனல் கல்லூரியில் இவர

ராதா கோபிந்த கர்  மருத்துவம் கொண்டு காசு பார்க்க நினைக்கும் இந்நாளில் - இந்நாட்டில், இவர் போன்ற சிலரும் இருந்திருக்கின்றனர் என்றெண்ணும்  போது திரு. ராதா கோபிந்த கர் மீது மரியாதை பல மடங்கு கூடுகிறது. யார் இவர்? என்ன செய்தார் இவர்? தான் கற்ற மருத்துவக் கல்வி இந்த நாட்டில் பலரும் கற்று - நாடு நோயின்றி வாழ நினைத்த ஒரு திருமகனின் - திரு. ராதா கோபிந்த கரின் பிறந்த நாள் இன்று.  23 ஆகஸ்ட் 1852 - மேற்கு வங்காளம் சாண்ட்ராகாச்சி எனும் ஊரில் தேவதாஸ் கர் என்ற மருத்துவரின் மகனாகப் பிறந்தார் ராதா கோபிந்தா. மருத்துவரின் மகன் என்பதால், வசதிக்குக் குறைவில்லை. கல்வி கற்பதில் தடையுமில்லை. பள்ளிப் படிப்பில் நன்கு கற்றுத் தேர்ந்த கோபிந்தா தந்தையைப் போல் மருத்துவம் பயில விழைந்தார்.  நுழைவுத்தேர்வில் வென்று கல்கத்தா மருத்துவக் கல்லூரியில் சேர்ந்த ராதா கோபிந்தா, மருத்துவக்கல்லூரியில் ஆங்கிலேய மாணவர்களால் இந்தியமாணவர்களுக்கு இழைக்கப்படும் பாரபட்ச உணர்வு - அதைக் கண்டும் காணாத ஆங்கிலேய மேலாண்மை போன்றவை கண்டு வருந்தினார். நாட்டின் நிதர்சன நிலை அவரின் தேச உணர்வையும் - தமக்குப் பின் வருபவர்களுக்கு வ

மெட்ராஸ் நாள் பல முகங்கள் - பல நிறங்கள் - சில குறைகள் இருந்தாலும் எந்நாளும் இளமையோடும் புதுமையாகவும் என்னை வியப்பில் ஆழ்த்தும் என் சென்னை மாநகரம்.  நிற்கக் கூட நேரமில்லாமல்  ஓடும் மனிதர்கள் -  இருப்பினும் ஏழு மணிக்குக் கிளம்பி  ஒன்பது மணி அலுவலகம் சேர்வார்.  தினமும் இதுவே வாடிக்கை எனினும்  குறையாய் சொல்லமாட்டார்.  முதல் வாய்ப்புக்கு வாய்ப்புத் தேடி  வந்த யாரும் நொந்ததில்லை.  என் சென்னைக்கு இணை இங்கு இல்லை.  - கணபதிராமன்   இன்று இந்தப் பதிவிற்குக் காரணம் பலருக்கும் தெரிந்ததே. இன்று மெட்ராஸின் பிறந்த நாள். - 377வது பிறந்த நாள்.  தம்மார்ல வேங்கடபதி எனும் விஜயநகர அரசரிடம் இருந்து பிரான்சிஸ் டே மற்றும் ஆண்ட்ரூ கோகன் எனும் இரு பிரிட்டிஷ்காரர்கள் தற்போது ஜார்ஜ் டவுன் என அழைக்கப்படும் பகுதியை 1639 ஆம் ஆண்டு வாங்கிய நாள் இன்று. இந்தப் பகுதியைச் சுற்றி உள்ள பகுதிகளை உள்ளடக்கி இந்திய நாட்டின் முதல் மாநகராட்சியாய் 1688 ஆம் ஆண்டு உருவாகியது. உலக வரிசையில் லண்டனுக்கு அடுத்தப்படியாக இரண்டாவது மாநகராட்சி நமது சென்னையே.  மெட்ராஸ் - பெயர்க்காரணம்  இதற்குப் பல கா

உயிரின்பனின் பிறந்தநாள் நாம் மறந்த சில சிறந்த தலைவர்களுள் முக்கியமானவர் ஜீவானந்தம்.  திருவிதாங்கூர் மாகாணத்தில் (இன்றைய கன்னியாகுமரி மாவட்டம்) பூதப்பாண்டி எனும் ஊரில் பிறந்தவர் ஜீவா. சிறுவயது முதல் இலக்கியங்கள், இதிகாசங்கள் எனப் பல்கலை கற்று தேர்ந்தார். சாதிமுறைக் கட்டுப்பாடுகள் எவ்விடத்திலும் நீக்கமற நிறைந்திருந்த காலத்திலும், தீண்டாமை, கோயில் அனுமதி மறுப்பு போன்ற சமூகக் கொடுமைக் கண்டு வேதனையுற்றார். காந்தியின் தீண்டாமைக்கெதிரான கருத்துக்களில் ஈர்ப்புற்ற ஜீவா நாட்டு விடுதலைக்காகவும், சமூக மாற்றத்திற்காகவும் போராடத் துவங்கினார்.  தன்னுடைய நண்பர்களை அழைத்துக் கொண்டு, அவர் நுழையத் தடையுள்ளத் தெருக்களில் (!) செல்வார். ஊராரின் பழிச்சொல் கேட்டும், தான் செய்தது சரியே எனக் கூறுவார். ஊராரின் புகாரின் பேரில், அவர் தந்தையே தன்னை எதிர்க்க, சாதியால் மனிதனைப் பிரித்தறியும் பேதைமைப் போற்றுவதற்கு மாறாக வீட்டை விட்டே வெளியேறுவேன் எனக் கூறினார். செய்தும் காட்டினார். தனது 17ஆம் வயதில் வைக்கம் ஆலய நுழைவுப் போராட்டத்தில் பங்கேற்றார். அதே போல், சுசீந்திரத்தில் ஆலய நுழைவுப் போராட்டத்

தக்கன பிழைத்து வாழும்  சூழலுக்குத் தகுந்தாற்போல் - இயற்கைக்கு ஏற்றவாறு தன்னை மாற்றிக் கொண்டு போராடும் உயிரினமே வாழ்வுப் போரில் பிழைத்து வாழும் எனக் கூறி உலகையேத் தன் பக்கம் திரும்ப வைத்த சார்லஸ் டார்வின் பற்றி இந்தப் பதிவு. இன்று இதை எழுதக் காரணமும் உண்டு.  சார்லஸ் டார்வின் (1809 - 1882) சார்லஸ் டார்வின் இங்கிலாந்தில் உள்ள ஷ்ரூஸ்பரி எனும் இடத்தில் 1809 ஆம் ஆண்டில் பிறந்தவர். சிறு வயது முதல் வண்ணத்துப் பூச்சி பிடித்து வளர்ந்தவர். தந்தை மருத்துவர். பாட்டனும் மருத்துவர். இவரையும் மருத்துவராக்க இவர் தந்தை முயற்சி செய்தார். சிறுவன் டார்வினின் மனதில் வேறு தீர்மானங்கள் இருந்தன. எடின்பரோ பல்கலைக்கழகத்தில் மருத்துவம் பயில சேர்த்து விடப்பட்ட டார்வின், தனக்கு மருத்துவத்தில் நாட்டமில்லை என படிப்பில் இருந்து விலகினார். பின்பு தந்தையின் கட்டளைக்கு இணங்க கேம்பிரிட்ஜ் பல்கலைக்கழகத்தில் இறையியல் (Theology) படிப்பில் சேர்ந்தார். தனது விருப்பம் இல்லாவிடினும் சிறப்பாய் தனது படிப்பை முடித்தார். கேம்பிரிட்ஜ் கல்லூரி வாழ்க்கை அவருக்கு சில சிறந்த நண்பர்களைத் தந்தது. அந்த நண்பர்களின் உதவியோடு அவருக

உலகப் புகைப்பட நாள்   இன்று ஆகஸ்ட் 19 - உலகப் புகைப்பட நாள். இன்று - பெரும்பாலோர் கையில் கைப்பேசி வடிவிலாவது புகைப்படக் கருவி வந்துவிட்ட காலத்தில் - நாம் நுகரும் இந்த நொடிப் பொழுதை உறைய வைத்து அதை என்றும் நாம் கண்டுணர - பகிர்ந்து மகிழ - காலத்தைத் தற்காலிகமாக வெல்லும் வாய்ப்பைத் தரும் இந்தப் புகைப்படக் கலையைக் கொண்டாடுவோம். இந்தப் பதிவுக்கு இரு காரணங்கள்.  எதனால் உலகப் புகைப்பட தினம் இன்று கொண்டாடப் படுகிறது? என்னுடைய சுயநலம் - எனது புகைப்படத்தையும் இங்கே பகிரலாமே...!!! முதல் காரணம் விரிவாக... சுமார் இரு நூற்றாண்டுகள் பின்னோக்கிச் செல்வோம். பிரான்சு நாட்டின் இரு கலைஞர்கள் - தொழில்நுட்ப வல்லுனர்கள் - கண்டுபிடிப்பாளர்கள் ஜோசப் நைஸ்போர் நீப்ஸி (Joseph Nicèphore Nièpce) மற்றும் லூயி டாகியூர் (Louis Daguerre) இருவரும் 1837 ஆம் வருடம் டாகியூரோடைப் (Dagguerotype) என்னும் புகைப்பட செயல்முறை தொழில்நுட்பத்தினை (Photo processing technique) உருவாக்குகின்றனர். இரு வருடம் முயன்று, அந்தத் தொழில்நுட்பம் ஜனவரி 9 1839 அன்று பிரான்சு அறிவியல் கழகத்தால் அங்கீகரிக்கப் படுகிறது. இதற்கெல்லாம் முத்

முதலாகப் பறந்த நாள் முதலாய் முயன்று தோற்றாலும் - தன் பெயர் காலத்தால் அழிந்தாலும் - என்றோ எங்கேயோ சிலரால் ஒருவன் நினைவுக் கொள்ளப்படுவான். அவன் விடாமுயற்சி காரணமாக... சரியாக இன்றிலிருந்து 113 வருடங்கள் முன்பு, ஜெர்மனி ஹானோவர் நகரின் வெளியே, வாஹ்ரென்வெல்டர் ஹெய்ட் எனும் இடத்தில் தான் உருவாக்கிய விமானத்தை ஒரு சோதனை ஓட்டத்திற்குத் தயார் படுத்தியிருந்தான், 30 வயது இளைஞனான கார்ல் ஜேதோ (Karl jatho)  கார்ல் ஜேதோ (1873 - 1933) தன்னால் வடிவமைக்கப்பட்ட விமானத்தை நிரூபிக்க - இந்த உலகை தன் பக்கம் திருப்ப - தன்னால் இந்த உலகிற்கு ஏதேனும் பங்களிக்க முடியும் என்ற நம்பிக்கை துணைகொண்டு செலுத்தினான் விமானத்தை. பறக்கவும் செய்தான். பயணதூரம் 18மீட்டரில் முடிந்தது. 1 மீட்டர் உயரமே பறக்க முடிந்தது.  முயற்சிக்குப் பாராட்டாவது கிடைக்கும் என எதிர்பார்த்த கார்லுக்கு எள்ளலும் கிண்டலுமே பரிசாயின. முயற்சியில் பங்கெடுக்காத பலர், இது பறத்தல் அல்ல தாவுதல் எனக் கேலி செய்தனர். முயற்சி கைவிடாத கார்ல், 1903 நவம்பர் மாதம் 68மீட்டர் வரை விமானம் செலுத்தினான். இம்முறை 4மீ உயரம் வரை பறந்தது. கார்ல் ஜேதோ

நினைவில் கொள்வோம் - 2 சுதந்திர தினம் மட்டுமல்ல தியாகிகளை நினைவில் கொள்ள... எந்நாளும் நாம் கொண்டாட வேண்டிய பலர் இம்மண்ணில் சேவை புரிந்து சென்றுள்ளனர். அவர்களுள் ஒருவர் திருமதி லட்சுமி சேகல் சுவாமிநாதன். சுதந்திரம் மூன்று வகைகளில் உள்ளது.  முதலானது கைப்பற்றி அடக்கியாளும் அந்நிய சக்திகளிடம் இருந்து விடுபடும்   அரசியல் விடுதலை (political freedom). இரண்டாவது பொருளாதார விடுதலை (economical freedom) மூன்றாவது சமூக விடுதலை (Social freedom)  இந்தியா முதலாவதை மட்டும் பெற்றிருக்கிறது. - கேப்டன் லட்சுமி சேகல்  கேப்டன் லட்சுமி சேகல் (1914 - 2012)  பயணம் : ஆனக்கரா முதல் கான்பூர் வரை  அக்டோபர் 24 1914 ஆம் நாள் அன்றைய மதராஸ் மாகாணத்தின் - இன்றைய பாலக்காட்டின் ஆனக்கரா என்ற கிராமத்தில் அம்மு - சுவாமிநாதன் தம்பதியருக்கு மகளாய் பிறந்தவர் லட்சுமி. தந்தை மதராஸ் உயர்நீதி மன்ற வழக்கறிஞர். தாய் சமூக சேவகி. சிறு வயது முதல் கல்வியிலும் பிறருக்கு உதவி புரியும் நன்னோக்கிலும் முதலிடம் பெற்று விளங்கினார்.  மதராஸ் மருத்துவ கல்லூரியில் மருத்துவம் பயின்ற லட்சுமி மதராஸ் கஸ்தூரிபாய் மர

நினைவில் கொள்வோம் தண்ணீர்விட் டோவளர்த்தோம்? சர்வேசா!இப்யிரைக்  கண்ணீராற் காத்தோம் பாரதியின் சுதந்திரம் குறித்த வரிகள்.... இந்த சுதந்திரப் பயிருக்கு தண்ணீராய் தங்கள் கண்ணீரையும் செந்நீரையும் தியாகமாய் தந்த அனைவரின் பொற்பாதங்களையும் சிரம் தொட்டு வணங்குகிறேன்.... இந்த நாளில் நாம் நினைவுகொள்ள வேண்டியவர்கள் எவ்வித சுயநலமும் இல்லாமல் நாட்டிற்கென உயிர் - உடைமை - உறவு தொலைத்த தியாகச் செம்மல்களையே...! அவ்விதம் மகத்தான தியாகம் செய்தும் உரிய அங்கீகாரம் கிடைக்காத சிலரை நினைவு கொள்வோம் இந்நாளில்... அவருள் முக்கியமானவர் சுப்பிரமணிய சிவம்... காந்தீயம், கம்யூனிசம், தீவிரவாதம் எனப் பிரிந்து கிடந்த தேசப்பற்று மிக்கவர்களுக்கு மத்தியில், யாரெல்லாம் நாட்டுக்குப் போராடுகிறார்களோ அவர்கள் அனைவரும் என் நண்பனே எனக் கூறி - தன் பேச்சால் பலரை விடுதலைப் போராட்டத்திற்கு ஈர்த்தவர் சிவம். பிரிட்டிஷ்காரர்களுக்கு சிம்ம சொப்பனமாய் விளங்கிய சுதந்திர மும்மூர்த்திகளுள் ஒருவர் சிவம்... (பாரதி, வ.உ.சி, சிவம்) அவர் ஞானபாநு பத்திரிக்கையில் எழுதிய சுதந்திர வேட்கை சுடர்விடும் எழுத்துக்கள்

'இடதையும்' போற்றுவோம்...! இன்று இடதுகைப் பழக்கமுடையவர்களின் தினம்.... World lefthanders day... ஆகஸ்ட் 13.  பொதுவாக, நம்மிடையே ஒருவிதக் கெட்டப் பழக்கமுண்டு. நம்மை விட வித்தியாசமான ஒருவரை ஏற்றுக் கொள்ளாமல் கூட இருக்கலாம். ஆனால், அவரை ஏளனப்படுத்தி - ஒரு தாழ்வு மனப்பான்மையை அவர் மனத்தில் விதைத்து - அவரை மாற்றி - மாறாமல் போனால் ஒதுக்கி வைத்து - அடுக்கிக் கொண்டேப் போகலாம் நாம் செய்யும் சித்திரவதைகளை... இதில் அவர் நலனுக்காகவே செய்தோம் எனப் பெருமை வேறு...! முக்கியமாக, இடதுகைப் பழக்கம் உள்ள குழந்தைகளை இந்தச் சமூகம் நடத்தும் விதம்... முக்கியமாக, வீட்டிலும் பள்ளியிலும். வீடுகளில், ஒரு சிறு குழந்தை ஒரு பொருளை இடது கையால் எடுத்தால் கூட, "கெட்டப் பழக்கம், வலது கையால் எடு" என அதட்டி - அக்குழந்தையின் மனதில் ஒரு குற்றவுணர்ச்சியை விதைக்கிறோம். எவ்விதம் ஒரு குழந்தை தன் தாய்மொழியை இயல்பாகக் கற்கிறதோ, அவ்விதமே இந்தக் கைப் பழக்கமும். இயல்பாகக் கற்க விடுங்கள். உங்கள் எண்ணங்களை அக்குழந்தையில் பரிசோதிக்க அவர்கள் சோதனைக்கூட எலிகள் அல்ல. நமது மூளையின் எந்தப் பகுதி அதிகம் உ

இரத்தம் அறிவோம்...! பள்ளியில் மிகவும் விரும்பிப் படித்த உயிரியல் பாடத்தில் இன்னும் மறந்திடாத சில பகுதிகளையும் - நான் கல்லூரியின் போது, எங்கள் கல்லூரியின் இரத்த தான சங்கத்தில் செயலாற்றிய போதும் - சிலரின் அவசரத் தேவைக்கு இரத்ததானம் செய்த போதும் - நான் கற்ற சில விஷயங்களைப் பகிர்கிறேன்... பொதுவாக, நமக்குச் சில சந்தேகங்கள் எழக்கூடும்... எவ்விதம் நம் இரத்தம் வகைப்படுத்தப் படுகிறது? இரத்த வகைக்குப் பின்னேக் கூறப்படும் +ve மற்றும் -veக்கு என்ன அர்த்தம்? யாருக்கு யார் இரத்தம் கொடுக்கலாம்? இந்த இரத்த வகைகள் கண்டறிந்தது யார்? யார் universal donor? யார் universal acceptor? இரத்தம் கொடுத்தால் நம் உடலில் இரத்தம் குறையுமா? கேள்விகள் போதும்.... விடைகளைத் தேடுவோம்... இரத்தம் பரிமாற்றலின் வரலாறு: 17 ஆம் நூற்றாண்டுகளின் இறுதியில் இருந்தே இந்த இரத்தப் பரிமாற்றம் பற்றிய ஆய்வுகள் - ஆராய்சிகள் துவங்கி விட்டன. முதலில், சில விலங்குகளின் இரத்தம் கொண்டு துவங்கிய இந்த ஆராய்ச்சி சில மதங்களின் கட்டுப்பாடு காரணம், ஆராய்ச்சிகள் இடையில் தொய்வடைந்தது. ஆங்காங்கே, அரச குடும்பத்தினருக்கு மட்டும் இரத்

என் நாடு விழிக்கட்டும்  தாகூரின் கவிதை  - எனது தமிழாக்கம்  'ஜன கண மன' மட்டுமே தாகூர் என எண்ணி இருந்த எனக்கு அவரின் இந்த கவிதை இன்னொரு பரிமாணத்தில் இருந்த அவரின் பார்வையைப் புலப்படுத்தியது. பல நேரங்களில் மொழியாக்கம் மூலத்தின் வீரியத்தை உணர்த்துவதில்லை. இருப்பினும், எனது முதல் தமிழாக்க முயற்சி இது. தாகூரின் கவிதைச் செறிவு என்னிடம் இல்லை எனினும் அதன் பொருள் கெடாவண்ணம் எழுதினேன் என்று நம்புகிறேன். ரவீந்திரநாத் தாகூர் எங்கே மனம் பயமற்று இருக்கிறதோ - தலை நிமிர்ந்து இருக்கிறதோ - எங்கே உலகம் சிறு சுவர்களால் பிரிக்கப்படாமல் இருக்கிறதோ - எங்கே  சொற்கள்  வாய்மையாய் இருக்கின் றதோ -  எங்கே உழைப்பு நிறைவை நோக்கி இருக்கிறதோ - எங்கே சரியான காரணங்கள் மூடவழக்கங்களின் பாலையில் தொலையாமல் இருக்கின் றதோ -  எங்கே எண்ணங்கள் உயர்ந்த செயல்களால் விடுதலையின் சொர்க்கத்தை நோக்கி நடைபோடுகின் றதோ -     அங்கே என் நாடு விழிக்கட்டும்.... அங்கே என் நாடு விழிக்கட்டும்.... - கணபதிராமன் நவம்பர் 21 2014 அன்று எழுதியது...

தந்தைக்குப் பிறந்தநாள் வாழ்த்துக்கள்  எனது தமிழுக்கு - எழுத்துக்கு - எண்ணங்களுக்கு - வாழ்விற்கு சிறந்ததொரு ஆசானாகவும் - பல நேரங்களில் பாடமாகவும் இருந்த - இருக்கும் எனது தந்தைக்கு வணக்கங்கள் பலவற்றுடன் வாழ்த்துக்களையும் சமர்ப்பிக்கிறேன்.  இனிய பிறந்த நாள் வாழ்த்துக்கள் அப்பா....!!!   ஒரு எளிய குடும்பத்தில் பிறந்து - கல்வி மட்டுமே நம்மை உயர்த்தும் என உணர்ந்து கற்று - எங்கள் தெருவிலேயே முதல் பட்டதாரியாய் வளர்ந்து - தான் உழைத்து எங்கள் குடும்பம் அனைவரையும் வளர்த்து - அரசுப்பணி புரிந்து - அதிலும் நேர்மை எளிமை பூண்டு - தான் கற்ற தொழில்நுட்ப அறிவை எனக்கு மட்டுமல்ல என்னுடை நண்பர்களுக்கும் தந்து - யாவரும் நலமாயிருக்க வேண்டி நிற்கும் உள்ளம் படைத்த என் தந்தை... திரு. மாரிமுத்து.... பிறந்த தினம் இன்று.... ஆகஸ்ட் 7. ஆண்டுகள் 67 காணும் என் தந்தைக்கு உங்கள் வாழ்த்துக்களையும் சொல்லுங்கள்... மகிழ்வுடன் கணபதிராமன்