வில் ரோஜர்ஸ் கூற்றுக்கள் - Quotes of Will Rogers

வில் ரோஜர்ஸ் - யார் இவர்? 

வில் ரோஜர்ஸ் - Will Rogers
(1879 - 1935)

அமெரிக்க நடிகர்

நகைச்சுவையாளர்

வானொலி பேச்சாளர் / செய்தித்தாளில் எழுதுபவர்

உலகத்தை மும்முறை வலம் வந்தவர்

சமூக அரசியல் விமர்சகர்

ஆனால், இவரைப் பற்றியதல்ல இந்தப்பதிவு. 

இவர் கூறிய பல மேற்கோள் / கூற்றுக்கள் (Quotes) இன்று நடக்கும் விஷயங்களுக்கும் பொருந்தி வருகிறது. இதை நினைத்து வியப்பதா? வருந்துவதா? முதலில் தெரிந்து கொள்வோம்.... 

1. இங்கே மூன்று வகை மனிதர்கள் உள்ளனர். முதல் வகை, படித்துக் கற்றுக் கொண்டவர்கள். இரண்டாவது வகை, உலகத்தை உன்னிப்பாக உற்று நோக்கி தெரிந்து கொள்பவர்கள். மூன்றாவது வகை, மின்வேலியில் மூத்திரம் இருந்து தான் புரிந்துகொள்ள வேண்டும். 
   
2. எது செய்தித்தாளில் வருகிறதோ அது மட்டுமே எனக்குத் தெரியும். என் அறியாமைக்கு இதுவே சாட்சி.
   
3. நல்ல முடிவுகள் அனுபவத்தால் கிடைக்கும். அனுபவங்கள், பல கெட்ட முடிவுகளால் கிடைக்கும். 
   
4. விளம்பரம் ஒரு கலை. மக்களிடம் இல்லாத பணத்தை தங்களுக்குத் தேவையில்லாததிற்காக செலவு செய்ய வைக்கும் கலை. 
   
5. அரசியலில் உண்மையைப் புகுத்தினால், அரசியலே இருக்காது.
   
6. [அமெரிக்க] வாக்காளர்களின் குறைந்த நினைவுத்திறனே அரசியல்வாதிகளை இன்னும் பதவியில் வைத்துள்ளது. 
   
7. அழுக்கடைந்த விரல் நகங்களும், தூய்மையான புத்தியுமே நாட்டின் இன்றைய தேவை. 
   
8. நிலங்களை வாங்குங்கள். அவர்கள் இப்போது அதைத் தவிர வேறெதுவும் தயாரிக்கவில்லை. 
   
9. நாட்டிலேயே மிகச் சிறந்த வேலை செய்யும் மனிதன் துணை அதிபர் தான். அவர் செய்ய வேண்டியதெல்லாம் தினசரி காலையில் எழுந்து 'அதிபர் நன்றாக இருக்கிறாரா?' எனக் கேட்க வேண்டியது தான். 
   
10. [தேர்தலில்] ஒரு முட்டாளும் அவனது பணமும் தேர்ந்தெடுக்கப்படுகிறது.
    
11. சூது ஆடாதீர்கள். நீங்கள் சேமித்த பணத்தை பங்குச் சந்தையில் போடுங்கள். அதன் மதிப்பு அதிகமாகும் வரை காத்திருந்து விற்றிடுங்கள். மதிப்பு அதிகமாகவில்லையா? பங்கு வாங்காதீர்கள்...!
    
12. தங்களுக்குப் பிடிக்காதவரின் கவனத்தை ஈர்க்க, தங்களுக்குத் தேவையில்லாத பொருட்களை, தங்களிடம் இல்லாத பணத்தை செலவழிக்கிறார்கள் பலரும். 
    
13. அடுத்தவரின் உரிமையை மதிப்பளிக்க கற்றுக் கொள்ளாத வரை, நாம் உண்மையான நாகரீகத்தை அடைய முடியாது. 
    
14. நாகரீகம் முன்னேறி விடவில்லை எனக் கூற முடியாது. அவர்கள் ஒவ்வொரு புதிய போரின் போதும் புதிய முறையில் உங்களைக் கொல்வார்கள். 
    
15. மரணத்திற்கும் வரிகளுக்கும் இருக்கும் ஒரே வித்தியாசம் என்னவெனில், மரணம் ஒவ்வொரு முறை பாராளுமன்றம் கூடும் போதும் இன்னும் மோசமாவதில்லை.
    
16. எல்லாம் மாறி விட்டது. மக்கள் நகைச்சுவையாளனை தீவிரமாகவும், அரசியல்வாதியை நகைச்சுவையாகவும் பார்க்க ஆரம்பித்து விட்டனர்.
    
17. நான் நகைச்சுவையை உருவாக்குவதில்லை. அரசை உற்று நோக்கி உள்ளதை சொல்லுகிறேன், அவ்வளவே...!
    
18. நீ சரியான பாதையிலேயே இருந்தாலும், ஒரே இடத்தில் அமர்ந்திருந்தால் எல்லோராலும் முந்திச் செல்லப் படுவாய்.