ராம் வலைமலர்

14-12-2003 என்று காட்டிக்கொண்டு மின்விசிறி காற்றில் ஆடிக்கொண்டிருந்த காலண்டர் தாளுக்கு மேலே முருகனும் பிள்ளையாரும் தோள் மேல் கைப் போட்டுக் கொண்டு சிரித்துக் கொண்டிருந்தனர். அவர்கள் சிரிப்பைக் கண்டு மேலும் சோகமாய் அமர்ந்திருந்தான் சுந்தர். உற்சாகமாய் கூப்பிட்டுக் கொண்டே உள்ளே வந்தார் அப்பா. "சுந்தர், இண்டர்வியூக்கு லெட்டர் வந்திருக்குடா..." உள்ளே மகிழ்ந்தாலும், வெளியே காட்டிக் கொள்ளாமல் "எந்த இண்டர்வியூப்பா...?" என்றான் சுந்தர். "கத்தார் எலெக்ட்ரிசிடிக்குடா... இன்னும் மூணு நாளுல இண்டர்வியூ... மும்பையில..." சுந்தருக்கு நான்கு மாதம் முன்பு செய்தித்தாள் பார்த்து, கத்தார் எலக்ட்ரிசிடிக்கு அப்ளை பண்ணியதை மறந்தே போயிருந்தான்.  "மூணு நாள்லயா... எப்படி போறதுப்பா...?" "கிளம்புடா... உடனே ஸ்டேஷன் போயி டிக்கெட் புக் பண்ணிட்டு வாடா... சீக்கிரம்...." அப்பாவிடம் பணம் வாங்கிக் கொண்டு, சென்ட்ரலுக்குக் கிளம்பினான் சுந்தர்.  உற்சாகமாய் சென்ற சுந்தர், துவண்டு போய்த் திரும்பி வந்தான். அப்பா "என்ன ஆச்சுடா? டிக்கெட் கிடைச்சுதா?"

டைட்டானிக் - இதைப்பற்றி அனைவருக்கும் தெரிந்திருக்கக்கூடும். என்னதான் உருவத்திலும், தொழில்நுட்பத்திலும் பெரிதாய் இருந்தாலும், இயற்கையின் முன் அனைத்தும் சிறிதே என நிரூபித்தது டைட்டானிக்கின் பேரழிவும், உயிரிழப்புக்களும். அழகைக் குறைக்கிறது எனக் குறைந்த உயிர்ப்படகுகளைக் கொண்டு துவங்கிய டைட்டானிக்கின் முதல் பயணமே கடைசியாகவும் இருந்தது அனைவரும் அறிந்ததே. 2220 பேசுமார் 1200 பேர் செல்லக்கூடிய உயிர்ப்படகுகள் இருந்தும், 705 பேரேக் காப்பாற்றப்பட்டனர். டைட்டானிக்  டைட்டானிக் பனிப்பாறையில் மோதிய நாளன்று, அவ்வழியில் அருகே இருந்த இருக் கப்பல்களின் பார்வையிலேயே இந்தப் பதிவு.  கர்பாத்தியா: டைட்டானிக் பனிப்பாறையில் மோதிய போது தரப்பட்ட அபாய சமிக்ஞையை (Distress Signal) மதித்து காப்பாற்ற ஓடோடி வந்தது கர்பாத்தியா. நியூயார்க் நகரத்தில் இருந்து ஆஸ்திரிய ஹங்கேரி நாட்டின் ஃபியூமி நகரம் நோக்கிப் புறப்பட்டது கர்பாத்தியா, 14 ஏப்ரல் 1912 அன்று. கர்பாத்தியாவின் கம்பியில்லா வானொலி தொடர்பாளர் (Wireless Operator) ஹெரால்ட் டைட்டானிக் பனிப்பாறையில் மோதியதும் தந்த சமிக்ஞைகளைக் கவனிக்கவில்லை. பின்னர், நியூ

துருவ செயற்கைக்கோள் செலுத்து ஊர்தியின் (Polar Satellite Launching Vehicle) 37வது பயணம் நாளை காலை 9:07 மணிக்குத் துவங்க உள்ளது. PSLV-C35 எனும் விண்ணூர்தி இம்முறை SCATSAT-1 என்ற செயற்கைக்கோளை முதன்மைச் சுமையாக சுமந்து செல்ல உள்ளது. இதனுடன் 7 சிறிய செயற்கைக்கோள்களையும் உடன் செல்ல உள்ளது PSLV-C35. ஸ்ரீஹரிக்கோட்டா செலுத்து தளம் ஒன்றில் தயார் நிலையில் PSLV-C35 PSLV - Polar Satellite Launching Vehicle துருவ செயற்கைக்கோள் செலுத்து ஊர்தி. இது தன்னுடன் எடுத்து செல்லும் செயற்கைக்கோளை சூரிய ஒத்திசைவு வட்டப்பாதையில் (Sun Synchronous Orbit) செலுத்த வல்லது. இம்முறை இன்னும் சிறப்பாக, முதன் முறையாக PSLV-C35 இரு வெவ்வேறு உயரங்களில் (Altitude) செயற்கைக்கோள்களை நிறுவ உள்ளது. நான்கு நிலை இயந்திரங்கள் கொண்ட இந்த விண்ணூர்தி, 44.4மீ உயரமும், 320டன் எடையும் கொண்டது. முதல் நிலை மற்றும் மூன்றாம் நிலை இயந்திரங்கள் திட எரிபொருள் கொண்டும், இரண்டாம் நிலை மற்றும் நான்காம் நிலை இயந்திரங்கள் திரவ எரிபொருள் கொண்டும் இயங்கும் வண்ணம் வடிவமைக்கப்பட்டுள்ளது PSLV-C35.  371கிலோ எடை கொண்ட SCATSAT-1 செயற்கைக்கோள்

எனது வலைப்பக்கத்தில் திரைப்படம் குறித்து முற்றிலும் தவிர்த்து விடலாம் என்று எண்ணியதுண்டு. ஆனால், சினிமாவிலும், வாழ்விலும் தன் முத்திரை பதித்த சிலரின் திறமைகளை சரிவர அங்கீகரிக்காமல் மறக்கப்பட்டவர்களில் ஒருவரை நினைத்துக் கொள்ளவே இந்தப் பதிவு. ' சொட்டு நீலம் டோய்... ரீகல் சொட்டு நீலம் டோய்...' இந்த விளம்பரம் எத்தனை பேருக்கு தங்கள் சிறுவயதை நினைவூட்டக் கூடியது? ஒளியும் ஒலியும் ஓடிக்கொண்டிருக்கும் போது, பாடல் முடிந்து விளம்பர இடைவெளியில் இந்த விளம்பரம் வரும்போது கூடவே நானும் பாடி இருக்கிறேன். அன்று எனக்குத் தெரியாது, இந்த விளம்பரம் மட்டுமல்லாது பல விளம்பரங்களுக்கு இசையமைத்தது மகேஷ் என்பது... மகேஷ் - இசையமைப்பாளர் 1955 ஆம் ஆண்டு பிறந்த மகேஷ் சிறுவயதில் இருந்தே இசையில் ஆர்வம் கொனவராக இருந்தார். பின்னர், XLRI கல்லூரியில் மேலாண்மை பயின்ற மகேஷ், ஹிந்துஸ்தான் பாலிமர்ஸ், இந்தியா பிஸ்டன்ஸ் போன்ற நிறுவனங்களின் மேலாளராகப் பணி புரிந்துள்ளார். 80களின் இறுதியில், ரத்தப் புற்றுநோயால் பாதிக்கப்பட்ட மகேஷ், தனது சிறுவயது நண்பன் ஜெயேந்திராவின் தூண்டுதலால் தனது பாதையை இசையின் பக்கம்

தன் எழுத்தைக் கொண்டு சிறந்த கதைகளைச் சொல்லி, உலக அளவில் தமிழ் இலக்கியத்தைக் கொண்டு சேர்த்த அசோகமித்திரனுக்கு இன்று 85 ஆம் பிறந்தநாள். அசோகமித்திரன்  1931 ஆம் வருடம் செப்டம்பர் 22 அன்று செகந்திராபாத்தில் பிறந்தார் தியாகராஜனாக. 1952 வரை, அங்கு வசித்த தியாகராஜன், தன் தந்தையின் மறைவுக்குப் பிறகு, சென்னைக்கு வந்தார். பத்தாண்டுகளுக்கு மேலாக சென்னை ஜெமினி ஸ்டூடியோவில் பணிபுரிந்து வந்தார். அங்கு அவருக்கு கிடைத்த நண்பர்கள், எழுத்தாளர்கள் ஆகியோரின் நட்பு அவரையும் எழுத வைத்தது. 1953 ல் அவர் எழுதிய அன்பின் பரிசு நாடகம் பல பரிசுகளை பெற்றுத் தந்தது. 1966 முதல் எழுத்தையே தன் பணியாகக் கருதி முழுநேர எழுத்தாளனாக மாறிய தியாகராஜன், தன் பெயரையும் அசோகமித்திரன் என மாற்றிக் கொண்டார்.  மைய நீரோட்டமாய் எள்ளலும், நகைச்சுவையும் கொண்ட நடையும், எளிய மக்களின் வாழ்க்கை நிலையைத் தெளிவாக எடுத்துச் சொல்லும் திறனும் ஒருங்கே அமையப்பெற்றது அசோகமித்திரனின் எழுத்துக்கள். இவர் எழுதிய நாவல்கள், குறுநாவல்கள் மற்றும் சிறுகதை தொகுப்புகள் தமிழில் மட்டுமல்ல ஆங்கிலத்திலும் மொழிபெயர்க்கப்பட்டு உலகளாவிய ஆங்கீகாரத்தைப் பெ

The Great Buddha of Kamakura இன்றைய பதிவு 518 வருடங்களுக்கு முன், இதே நாளில் ஒரு இயற்கை சீற்றத்தால் தானிருந்த மண்டபம் இழந்து வெட்டவெளியில் வந்தும், இன்றும் மாறாமல் அமைதியாய் இருக்கும் கமக்குராவின் பெரிய புத்தர் சிலையைப் பற்றியது.  ஜப்பானில் உள்ள கமக்குரா (Kamakura) எனும் ஊரில் கொட்டுக்கு இன் (Kotuku In) எனும் கோவிலில் உள்ளது டாய்புத்ஸூ (Daibutsu) என்று ஜப்பானியரால் அழைக்கப்படும் பெரிய புத்தர் சிலை. 1233 ஆம் ஆண்டு மரத்தால் ஆன பெரிய புத்தர் சிலை அமைக்க முடிவெடுக்கப் பட்டது. புத்தத் துறவி ஜோக்கோ (Joko) மற்றும் இனாடா (Inada) போன்றோர் தலைமையில் பத்தாண்டுகள் கடும் உழைப்பு மற்றும் பொருட்செலவில் 1243 ஆம் ஆண்டு சிலை அமைக்கப்பட்டது. சிலையைச் சுற்றிலும் மரத்தாலான மண்டபமும் அமைக்கப்பட்டது. 1248 ஆம் ஆண்டு ஜப்பானில் அடித்த பெரும் புயலில் மண்டபமும், புத்தர் சிலையும் சேதம் அடைந்தன. பெரிதும் மனமுடைந்த ஜோக்கோ, மரத்தாலான புத்தர் சிலை இருந்த அதே இடத்தில், இயற்கைப் பேரிடரால் பாதிக்காத வண்ணம் வெண்கலத்தால் ஆன பெரிய புத்தர் சிலை நிறுவ விருப்பம் தெரிவித்தார். பெரும் நிதி திரட்டப்பட்டது. உடன் வேலை ஆரம

நேரடியாக உபதேசம், அறிவுரை என்ற பெயரில் கூறப்படும் உண்மைகள் பலருக்கும் சென்றடைவதில்லை. அதையே, கதையில் ஏற்றிக் கூறப்படும் போது, அதன் வீச்சு பலமிக்கதாக இருக்கும். பெரும்பாலும், சிறுவர்களுக்காக கூறப்படும் இந்த நீதிக்கதைகள், எல்லா வயதினருக்கும் பொருந்துவதாகவே இருக்கும். நான் இன்று இருக்கும் நிலைக்கு நான் கேட்ட பல கதைகளும் ஒரு காரணம் என்பதை மறுப்பதற்கில்லை. ஒரு விஷயத்தைக் கேட்டதும், 'ஆராயாமல் நம்பாதே... உனக்குள் கேள்வி கேள்...' எனச் சொல்லிக் கொடுத்ததும் இவ்வகை கதைகள் தான். நான் மேலேக் கூறியது போல் கதைகள் கேட்டது தான் அதிகம், படித்ததை விட. என் தந்தை தான் படிக்கும் கதைகளை வீட்டில் உள்ள அனைவரும் கேட்குமாறு சத்தமிட்டு படிப்பார். பெரும்பாலும், ராமாயணம், பாரதம், விவிலியம் (பைபிள்) போன்ற கதைகள் தான். அவற்றின் கிளைக்கதைகளில் உள்ள அர்த்தங்களை விவரித்துக் கூறுவதில் என் தந்தைக்கு இணை அவரே. என் தந்தைக் கூறிய பலக் கதைகள் ஞாபகமிருந்தாலும், என் மனதிற்கு நெருக்கமான ஒரு கதையை இங்கே பகிர்ந்து கொள்ள விழைகிறேன். கதை இதோ...! எங்கே...? ஒரு அரசன் வேட்டைக்காகத் தன் படை சூழ காட்டுக்குச் சென்றான

ஒண்ணுமில்லை  - கணபதிராமன் யாழினி, தன் வீட்டு வேலைகளை முடித்து விட்டு ஹாலில் வந்து அமர்ந்தாள். ஜீவா தனது பள்ளி வீட்டு வேலை செய்து முடித்து யாழினியிடம் காட்டினான்.  நாட்குறிப்பில் எழுதியிருந்த கேள்வியையும், செய்திருந்த ஹோம் ஒர்க்கையும் சரிபார்த்த யாழினி, 'பையன் படிக்கிறதுக்கு நானும் சேர்ந்து படிக்க வேண்டியதா இருக்கு... மூணாம் கிளாஸ்னு சொல்றாங்க... ஒண்ணும் புரியல...' என மனதிற்குள் நினைத்து பெருமூச்சு விட்டாள். ஜீவா "என்னம்மா...?" எனக் கேட்டான். "ஒண்ணுமில்லடா" எனக் கூறிய யாழினிக்கு, ஏற்கனவே ஒருமுறை ஜீவா "என்னம்மா... இதுகூட உனக்குத் தெரியாதா?" எனக் கூறியது நியாபகம் வந்து போனது. "எல்லாம் ரைட்டா இருக்குடா. இவ்ளோதான் ஹோம் ஒர்க்கா? வேற எதாச்சும் இருக்கா...?" என்ற யாழினியைப் பார்த்து ஜீவா "அதான் டைரில எழுதி இருக்கே... வேற ஒண்ணும் இல்ல..." என்றான் அலட்சியமாக. யாழினி டிவி ரிமோட்டை எடுத்து முப்பத்திரண்டு இன்ச் வண்ணத்திரைக்கு உயிர் கொடுத்தாள். சேனல் மாற்றிக் கொண்டே வந்தவளிடம் "டிஸ்கவரி கிட்ஸ் சேனல் வைம்மா... மிஸ

அலார்ம் - கணபதிராமன் டி ட்டி ட்டி ட்டின்.... டி ட்டி ட்டி ட்டின்....!!! அலாரம் சத்தம் கேட்டு விழித்த யாழினி சுற்றுமுற்றும் பார்த்தாள். ஐந்து வயதே ஆன தனது மகன் ஜீவா அழகாய் யானை பொம்மையை அணைத்தபடி தூங்கிக் கொண்டிருந்தான். அலாரத்தை நிறுத்திவிட்டு, ஜீவாவின் நெற்றியில் சின்னதாய் முத்தமிட்டு மெல்லிதாய் சிரித்தாள் யாழினி. 'சுந்தர் எங்க' என எண்ணிய வண்ணம் அறையை விட்டு வெளியே வந்தவள், சமையலறையில் இருந்து சத்தம் கேட்க, அங்கே சென்றாள்.  முகத்தில் புன்னகை - கையில் சூடான காபியுடன் "குட் மார்னிங்" என்றான் சுந்தர். "என்ன இது காலையிலேயே... நான் எழுந்து காபி போட்டிருப்பேன்ல...?" "தினமும் நீதான எல்லா வேலையும் செய்யுற... இன்னிக்கு ஒரு நாள் நான் செய்யுறேன்..." "நீ முதல்ல நகரு..." என்றவாறே தன் சாம்ராஜ்யத்தைத் தக்கவைக்க முயன்ற யாழினியை தடுத்து "நீ போயி ஹால்ல உட்காரு. டிவி பாரு. சமையல் வேலைய நான் பாத்துக்கிறேன்." என்றான் சுந்தர். சமையலறையில் நின்ற சுந்தரைப் பின்னாலிருந்து அணைத்து - தன் பக்கம் திருப்பி - நிறைவாய் ஒரு ப

இரண்டாம் உலகப்போர். இதைக் கேட்கும் போது அனைவருக்கும் நினைவுக்கு வருவது ஹிட்லரின் கொடூரங்களும், ஐரோப்பாவின் பல பகுதிகளில் ஜெர்மனி நிகழ்த்திய ஹோலோகாஸ்ட் படுகொலைகளும் தான். அங்கு மட்டும் தான் அவ்வாறு நடந்ததா? நம் இந்தியாவிற்கு மிக அருகில், போருக்கு சற்றும் தொடர்பில்லா சுமார் 1,00,000 பேரைப் பலி வாங்கியது இந்த இரண்டாம் உலகப்போர். இவர்களின் பிணங்களின் மேல் போடப்பட்டதே மரண ரயில்பாதை. போர் என்பது எவ்வளவு பயங்கரமானது? அதில் இருபுறமும் போரிடுபவர்கள் தங்களுக்குத் தேவையானதை அடைய எத்தனைக் கொடுமைகளை சுலபமாய் நிகழ்த்தி விட்டு செல்கின்றனர்? கொள்கை வேறுபாடு, நாட்டுப் பகை காரணமாக மூளும் போர்களில் வெல்வது யாராய் இருந்தாலும் தோற்பது மனிதத்தன்மையே. உலக அரங்கில் அமைதி விரும்பும் நாடாக தன்னை நிலைநிறுத்திக் கொள்ளும் ஜப்பானும் இதற்கு விதி விலக்கல்ல. இரண்டாம் உலகப் போரின் போது "ஆசியா ஆசியர்களுக்கே" என முழங்கிய ஜப்பான் தெற்காசிய நாடுகளில் ஆங்கிலேய ஆட்சியைக் கைப்பற்றி தனது ஆட்சியை நிறுவ ஆசை கொண்டது. மேம்போக்காக பார்க்கும் போது ஆங்கிலேயர்களிடம் இருந்து விடுதலை வாங்குவது போல் தெரிந்தாலும் இந்த முயற்ச

ஆங்கலத்தில் Small Pox என அழைக்கப்பட்டாலும், தமிழிலும் நிஜத்திலும் " பெரிய "அம்மை பற்றி இந்த பதிவு இன்று எழுதக் காரணம் இந்த நோய்க்குப் பலியான கடைசி உயிர் ஜேனட் பார்க்கர் இறந்த நாள் (செப்டம்பர் 11) இன்று.  ஜேனட் பார்க்கர் (1938 - 1978) முதலில் இந்த நோய் பற்றித் தெரிந்து கொள்வோம். பெரியம்மை - வலேரியா மேஜர் - வலேரியா மைனர் என்ற இரு கிருமிதொற்றினால் ஏற்படும் இந்த நோய், ஒரு காலத்தில் உயிர் கொல்லியாய் ஆயிரக்கணக்கானவர்களை பலி வாங்கியுள்ளது. தொற்று ஏற்பட்டு 12 நாடகளில் சளி, தலைவலி, உடல்வலி என சாதரணமாய் தெரியும் பெரியம்மை தீவிரமடையும் போது உடல் முழுதும் கொப்புளங்கள் - சுட்டெரிக்கும் காய்ச்சல் - உணவு சீரணப் பகுதி பாதிக்கப் படுவதால் வாந்தி - நோய் முற்றி மரணம் என உயிரை வாட்டும்.  1796  ஆம் ஆண்டே எட்வர்ட் ஜென்னர் என்பவரால் பெரியம்மை தடுப்புமுறை கண்டறியப்பட்டாலும், உலகம் முழுதும் இம்முறை சென்றடைய உலக அரசியல், இனவெறி, போதிய விழுப்புணர்வு ஏற்படுத்தாமை போன்ற பல காரணிகள் முட்டுக்கட்டையாய் இருந்தன. ஆங்காங்கே, நோய்தொற்று உள்ளவர்கள் - அவர்களின் உறவினர், சில நேரங்களில் ஒரு ஊரே இந்த நோ

அறிவியல் வளர்ச்சி என்பது மனித வாழ்க்கையை மேம்படுத்தி - வாழ்வை எளிதாக்கி - ஒரு சுமூகமான வாழ்சூழலை ஏற்படுத்தித் தரவேண்டும். ஆனால், அது தான் இங்கு நடந்து கொண்டிருக்கிறதா? வழமையாக, பெரிதும் சந்தைப் படுத்தப்படும் ஒரு பொருளைப் பற்றிய எவ்வித புரிதலும் இல்லாமல் இதுவே நமக்கு சாலச் சிறந்தது என வாங்கும் போக்கு இன்று அதிகமாகி உள்ளது. விழிப்புணர்வு என்ற பெயரில் ஆட்டுமந்தையாகி போயிருக்கும் இந்த தலைமுறையின் ஒரு சக ஆட்டின் பதிவு இது.  ஒரு இருபது வருடம் முன்பு, என் அன்னை கிணற்றில் இருந்தோ, அல்லது நமது உள்ளாட்சி நிருவாகங்கள் மூலம் நிறுவப்பட்ட பொதுக்குழாய் மூலமோ, குடிநீர் பிடித்து வந்தது எனக்கு ஞாபகம் இருக்கிறது. இன்று வீட்டுக்கு வீடு நீர்க்குழாய் இணைப்பு வந்துவிட்ட போதிலும், நம் மனதில் ஒருவித பயத்தை விதைத்து, அதை முதலீடாய் வைத்து நம்மிடம் செய்யப்படுவதே நீர் அரசியல். கிணற்றில் இருந்து நேராய் நீர் குடித்த நாளில் இல்லாத நோய்கள், அனைத்து விஷயத்திலும் சுத்தமாய் இருக்க நினைக்கும் ஒரு சமூகத்தில் வளரக் காரணம் என்ன? நாம் என்ன தவற விடுகிறோம்? பூடகங்கள் போதும் என நினைக்கிறேன். நேரே விஷயத்தின் உள் செல்வோம்.

இன்று செப்டம்பர் 8 2016 மாலை 4:10 மணிக்கு விண்ணை நோக்கி சீறிப்பாய்ந்து செல்ல உள்ளது புவிமைய செயற்கைக்கோள் செலுத்து ஊர்தி (Geostationary Satellite Launching Vehicle) GSLV-F05. தன்னுடன் வானிலை ஆய்வுக்குப் பயன்படும் மேம்பட்ட வளிமண்டலவியல் செயற்கைக்கோளான இன்சாட் 3DR (INSAT 3DR) ஐ எடுத்து செல்கிறது. இந்த விண்ணூர்தி முதன்முறையாக மீக்குளிர்நிலை மேலடுக்கு நிலை இயந்திரம் (Cryogenic Upper State Engine) கொண்டு இயங்குவதாக அமைய உள்ளது. ஏற்கனவே, நான்கு முறை மீக்குளிர்நிலை மேலடுக்கு நிலை இயந்திரம் விண்ணில் செலுத்தப்பட்டிருந்தாலும் அது இயக்கப்படுவது இம்முறையே. முழுதும் நம் நாட்டிலேயே உருவாக்கப்பட்ட இந்த இயந்திரம் வெற்றிகரமாக இயக்கப்படுவதில் நமக்குப் பெருமை இருக்கத்தானே செய்யும். திரவ ஹைட்ரஜன் மற்றும் திரவ ஆக்ஸிஜன் மீக்குளிர் நிலையில் (முறையே -253 மற்றும் -183 டிகிரீ செல்சியஸ்) வைக்கப்பட்டுள்ள இந்த இயந்திரத்தில் சுழலுந்து (Turbo pump) மூலம் நிமிடத்திற்கு 40000 சுழற்சி வேகத்தில் சுற்றி, வளியில்லா வெற்றிடத்தில் 73.55கிலோ நியூட்டன் வரை உந்தம் தரக்கூடியது. 720 நொடிகள் வரை இயங்கக்கூடியது. 

இன்று ரியோவில் ஊனமுற்றோருக்கான ஒலிம்பிக்ஸ் போட்டிகள் துவங்க உள்ளன. நம் நாட்டின் சார்பாக 19 போட்டிகளில் கலந்து கொள்ள 16 பேர் கொண்ட அணி பங்கேற்கிறது. தடகளத்தில் பல்வேறு பிரிவுகளில் 13 ஆண்கள், 2 பெண்களும், அம்பெய்தலில் ஒரு பெண்ணும், பளுதூக்குதல், துப்பாக்கி சுடுதல், நீச்சலில் தலா ஒரு ஆணும் போட்டியிட உள்ளனர். பொதுவாகவே, கிரிக்கெட் தவிர வேறெதற்கும் கவனம் தராத நம் நாட்டில், விளையாட்டுத் துறையில் உள்ள அரசியல் தலையீடுகளை சமாளித்து - நாட்டிற்காக மட்டுமல்லாமல் - 'ஊனம் உடலில் மட்டுமே மனதில் அல்ல' என மன ஊனம் படைத்த பலருக்குப் பாடமாய் தம்மை முன்னிறுத்தி நிற்கும் அனைத்து விளையாட்டு வீரர்களுக்கும் வாழ்த்துக்கள் கூறி தன்னம்பிக்கைக்குத் தலைவணங்குகிறேன். இந்திய அணி - ரியோ பாராலிம்பிக்ஸ் 2016 அம்பு எய்தல்: பூஜா - அம்பு எய்தல் உலகத் தர வரிசையில் 5 ஆம் இடம் தடகளப் போட்டிகள்: ஓட்டப் பந்தயம்: அன்குர் தாமா - 1500மீ ஓட்டம் உயரம் தாண்டுதல்: மாரியப்பன் தங்கவேலு - உயரம் தாண்டுதல் வருண் சிங் பாட்டி - உயரம் தாண்டுதல் ஷரத் குமார் - உயரம் தாண்டுதல் ராம் பால் - உயரம் தாண்டுதல்